عشقتك
وياريتني ما عشقتك
وبعشق كل شيئ فيكي
ياريتك كنتي غداره
ياريتك كنتي نسايه
وانا عارف
العيب فيا مش فيكي
عشقت كل مافيكي
خطاويكي
غناويكي
وطيبة قلبك الزايدة
ودموع قلبك وعنيكي
نارها لسه بتكويني
وضحكت قلبك النايمة
تصحيني
وطيفك جنبي ليلاتي
يلاغيني
وياريتك كنتي خنتيني
ياريتك كنتي سيبتيني
لكن طبع الوفا فيكي
بدعيلك
يبارك كل خطاويكي
علي قد قلبك الطيب
وتشوفي السعد بعنيكي
عشقتك
وبعشق كل شيئ فيكي
بقلم
احمد محمود
من ديوان سكة العاشقين
ليست هناك تعليقات:
إرسال تعليق