كان ليا أخت
حنان الدنيا في أحضانها
كان. ليا أخت
كرم الدنيا في افعالها
كئيبة الدنيا من غيرها
كان ليا أخت
البركة في أيدها ومن خيرها
كان ليا أخت
ربتنا صغار كتر خيرها
راعتنا كبار ومين غيرها
ومن بعد امي
انا بالذات عشت في خيرها
ياسلام عل المحشي من أيدها
وصنية رقاق في يوم عيدها
وطاجن البامية ياجماله
معمول بالقلب قبل ايدها
قبلها بيوم كنت في دارها
سهرنا سهره اه ياجمالها
وكل ما قوم وانوي الرحيل
تشد. الجلابية من ديلها
وتقعدني تاني جنبيها
اتاريها ياعيني بتودعني
ياعمري الليل. اهو. عدي وفات
تقولي ياواد وايه يعني
وكانت سهرة الوداع
وتاني يوم من غير سلام
قال ايه ضحكت علينا
بنت الايه وفعلا كانت
بتودعني وانا معرفش
وماتت أختي
رحمة الله علي أختي الكبيرة وأمي الثانية
وفي جنات النعيم ياأغلي البشر
بقلم
احمد محمود
ليست هناك تعليقات:
إرسال تعليق