عشقتك والهوى فكره
تداعب فكرى وخيالي
وقلت انك أمل بكره
وان انت اللي دايمه لي
وانك ورده بتفتح ..
وانك ام لعيالي ..
ولما سمعت صوتك قلت
بأن انا امي داعيه لي
.... ... ....
رعيتك ورده وسقيتها
في حضن حنون محبتها
وجوه عيوني خبيتها..
وقلبي اللي كان بيتي
في غمضة عين صبح بيتها
...... ....... ....
اتارى الحلم لما يطول
بيقلب في الحقيقه كابوس
وانا اللي سمعت ابويا يقول
بأن ابني اتولد منحوس..
ولما خفت شمسي تغيب
واملي في الحياه بيخيب..
مشيت عز النهار بفانوس
...... ....... ....
مع الايام لقيت الدنيا بتغير
في افعالك...
بتتباعدى..وبتصدى..وبتهدى
مشاعر فاكره دايمه لك...
انا عارف بان نهايتي ياحبيبتي
علي ايدك. ..
وهما يدوب تلات ايام..
يروح حزنك وتنهيدك..
وحاتقولي مابين نفسك..
ماهو الميت ابقي منه الحي
وتتسلي علي شاشتك..
تشوفي اسم مين الجي
وتتسلي بعذاب قلبه..
ماهي الدايره لابد تدور
ويتعب زى في حبه
يشوف الضلمه بعد النور.
............ ........
شعر/نصر سيد بدر..القاهره
ليست هناك تعليقات:
إرسال تعليق