أبجي على عمي
نظم:عبد خلف حمادة
&&&&&&&&&
رايات حزن وغثا
سود بعلو اتْوَمِي
لأبجي عليكم دِما
بزود وكُبر همي
أشوف لمة خلك
وش هوْ الخبر يمي
أشوف نار سعرت
تسري ويا دمي
واشوف صدري نخنك
والنظر ما يرمي
ضباب غشَّا البصر
وعثرات بِكْلَمي
واشوف جدر انجفا
والحوش يدرج مي
واشوف دلة كهوه
وفنجالها كصمي
واشوف هيل انتثر
من صراره ال بكُمي
خطر لي أذوك الطعمه
سُمَّاك لو سِمِّي
واشوف وجه الشمس
مكسوف ومغمي
اسمعت صرخة ولد
مفطوم لو مضمي
توني تا فهمت الخبر
ثاري الرحل عمي
بشويش يا مغسله
فترْ عليه المي
خفف ادينك ترا
تآذيه باللجمِ
وادرج عليه الجفن
رهيه تا يلمي
خايف عليه البرد
من الخام لا ترمي
يا عمه يا مصخمه
زازي بالحزمي
منهو ال يشيل الحمل
وخطارج يطعمي
يذبح ثنية الغنم
وبالضيف يهتمي
ريت المنية خذت
العفن ومخمي
نكَّت خيار الزلم
أل أوضاتها تومي
حزني عليهم دهر
ساطي على عظمي
يحرم عليا القوا
لبَّاسة كشمي
والعين لو مابجت
إخلال آني احمي
أفكسها ما استبي
خلهم يكولو اعمي
.......................
مع تحيات الشاعر عبد خلف حمادة
&&&&&&&&&&
يا حيف عشرة عمر
بوح رقاوي
شعر:عبد خلف حمادة
*******
هاذي آخرها (عبد)
تعشك علي وتحب
وآني الفنيت العمر
أَشْكا معك واتعب
وآني الذخرتك دمع
جوا الجفن يلهب
وآني الحسبتك جبل
ومتوج بمركَبْ
إنْ كلت لك بالدما
تمشي فلا أجذب
وآني الحسبتك سند
عكاز خاف أنجب
مليت حفوني وفا
(عبود)حول اشرب
زغرت نفسي إلك
وآني فرس أشهب
طخيت حد الجدم
مو ذل ياموجب
لكن حنانة صدر
شوك وغلا اطلُب
ما كلت تفهم غلط
وتشوف حالك هُبْ
أصعب شعور النسا
لُمنْ الثقة تنكب
ويرفع خشومو الرجل
ويدوس كلشي يذب
...............
يا حيف يابو خلف
ما صنت عهد الحب
وبيعتني بالرخص
وريجي عليك يلب
بيت البنينا سوا
ودور الخشب والصب
تشهد عليكَ عبد
تشرح هوا تسهب
وتكول يامهجتي
غيرج فلا أطلب
عمري لعمرج جفل
ويزيد لج الرب
إنتي لعيوني الضوا
والروح بيا تدب
يحرم علي النسا
إنتي بدَرِّي الشب
لغيرج قفل عالكَلب
يمهن فلا اكرِّب
وان قدر الله أجل
والموت بيج اكضب
نعشي ونعشك سوا
فوكج أنا أطب
آني وياج بلحد
ورايه علينا تهب
رياح الغرب لسرت
مزار ومشرشب
خيطان خضرة وشِدَح
للبنت كبل الشب
موعد لكاهم عِشا
ومن خامنا تحجب
..................
أثاري كلو خرط
زبد وشرب سحلب
مدهون حجي الترف
بالليل ومرتب
ولما يصير الصبح
ماع الثلج وانصب
مية بلعتها أرض
جدبه ولا تخصب
................
عرجا لرب العرش
خوَّان ربي تجب
بايع رخيص العهد
جن الشرف مشرب
يزتو ويا التتن
ويعاشر أم مخلب
امْصبَّغة بالدبس
أم الوجه ارنب
تلبس كصير اللبس
والشعر جا العكرب
شيطان مهي مرَه
حت الاسم خنزب
................
هاذي الخذتك عبد
يا حيف يا مأدب
أشكي لعالي السما
كل يوم واتحسب
آني الظنيتك سبع
فجأة طلعت ثعلب
ربك يهد الظلم
ويحاسب الخرَّب
ويعيد حك انهضم
لا تشرب المقلب
..................
مع تحيات الشاعر عبد خلف حمادة
******
شباطيات
شعر عبد خلف حمادة
▪▪▪▪▪
شباط مالو طعمه
بلاج يم شامات
جنهن ورود الضحى
فوك الوجه نجمات
آني بعرضج ترا
القلب بيه لجمات
إنتي شعاع الكمر
والضوح يم رثمات
وإنتي لجرحي دوا
وعلاج للعلات
كبلج حياتي انكضت
بالنوح والحسرات
جيتي بتالي العمر
هبيتي جا النسمات
الشيب بيه مستحا
يابه شكثر حجيات
مسكين راعي الهوى
مدور عليه بالذات
شايب وتطرد هوا
يا عيبة العيبات
....................
وان كلت عيد العشك
جثرت علي ضحجات
ما عاب عتج الخمر
سلطان بالكاسات
شاعر وشغلي العشك
إن كلت الصنعات
أكرى عيون المها
وأكتب على الوجنات
وافهم بظفر الشعر
فنان جدولات
دكتور أذن وأنف
مختص ترجيات
خبرة بدك الحنج
واحط وردينات
..................
سمرا بعيد العشك
مبروك كومايات
يا مزنرة بالحلا
ومكحلة ببسمات
الوجه حفنة عسل
حليب والكشوات
كيمر وزبدة عرب
معجون سيالات
ومشربات بسمن
فنجان وبهارات
والزيج مدري شعجب
جواه رشاشات
ومفخخات ودُشم
وكناص غمازات
منهن وجوب الحذر
بارود محشيات
.................
طركا ورفيعة شعله
يا طولها حورات
شباط عيد الهوى
بيزار للزينات
كبل الربيع بشهر
تتفتح الزهرات
غزلان بيدا لفت
عالعين ورَّادات
من بينهن ريمتي
نافت على الخشفات
أول حروف الاسم
بركان لو ثارات
وثاني حروفج رِجِم
نايف على التلَّات
ثالثها أُنس النفس
إنتي ويا النبضات
والرابع يا منيتي
أقلام طفَّاحات
خامسها هامَ وغدا
تلفان بيه شْتات
ليست هناك تعليقات:
إرسال تعليق