................
فينها الأحلام الوردية
ما بقيتش بشوف
سجناني مابين عفش وقايمه
ونفقه ومصروف
والخوف من بكرة لتتلكك
وأنام ع الروف
إتقلب الحال طولها جرأه
وأنا ليه المكسوف
والخلع مسيب لي مفاصلي
وفى دايره بطوف
خايف لأنام وأصحى
في صدمه مخلوع محذوف
مرعوب من الضحكه وأيه وراها
برجف من الخوف
حاسس إن أنا عايش مغصوب
شبه المخطوف
والليل لا هيستر كده حالي
ما الريش منتوف
وسؤال للشيخ اللي بلانا
دقق كده شوف
ده حلال وحرام خلع الراجل
كلمه معروف
خربت لبيوت عد يا عداد
ملايين فى صفوف
وعنوسه وزادت لها ماضي
لا عتاب ع الشوف
قفلونا بيبان أي جوازه
والسبب الخوف
تتجوز إياك تتنفس
ولا نسمع صوت
عفريت الخلع هيطلع لك
كده زى الموت
ورقه بختمين لقبك جاهز
حرف بميه سوط
مش أول راجل ولا آخر علقه وهتفوت
بقلم .. صبري رسلان
ليست هناك تعليقات:
إرسال تعليق