بمناسبة عيد السويس
عيد المقاومة الشعبية
لشعب السويس العظيم
كتبت :
أغنية
مين يقدر عليكي
مين يقدر عليكي
يا سويس
أبوس تراب رجليكي
يا سويس
فيكي الهدوء والراحة
بالخير ديما طراحة
( القنال )
مبسم خشمك
بالعالم
ماشفت بجسمك
م إنت العروسة
والعريس.
ياسويس
جواكي
تلت البترول
الدهب الأسمر بيقول :
لجل ( مصر ) الخمرية
تحيا الأمة العربية
ويموت الندل
خسيس.
يا سويس
أخدتي
م اليهود التار
في ( ثغرة الدفرسوار )
بالمقاومة
الشعبية السوبر
في 24 من أكتوبر
بالأربعين
والهاويس.
يا سويس
وجات
الثورة المصرية
وبدأتي المليونية
( دمك غسل الميادين )
شهيد واحد بالعاشقين
نور شمع
الفوانيس.
يا سويس
إسأل
( جوجل ) عنها
جوه النت مكانها
تاريخ وحضارة وفن
والواد المجدع جن
صياد شبار
ودنيس.
يا سويس
بحبك
إنت وبس
( أم وبنت ونفس )
مراتي/ الغالية الأسطورة
أم العيال أصل وصورة
بعدك
الكل
رخيص.
يا سويس
( سويس )
حربي علي
شاعرالسويس
ليست هناك تعليقات:
إرسال تعليق