بفكّر إني ما أفكّرش
عشان فعلاً أكيد ما أحتارش
ولو هحتار ما بين أمرين
أريّح نفسي بقى ما أختارش
بفكّر إني أتغابى
لأن الدنيا قلّابة
وأي سؤال هيتوجّه
ف عَندي مالوش ولا إجابة
وهدخل مرحلة توهان
تقولوا ضعيف تقولوا جبان
مسير بكره اللي كان زعلان
أصالحُه بكلمتين معلش
بفكّر إني ما أفكّرش
هفكّر م النهاردة خلاص
أحاول أعتزل الناس
وأموّت جوايا الإحساس
وأقتل فيا أي طموح
هعيش يعني بدون تفكير
وهنسى الحب والتقدير
عشان أنا احس بالتغيير
هعيش ميت ومن غير روح
بفكّر إني يعني كمان
أحاول أصاحب النسيان
وأنسى أنا كنت يوم إنسان
وأعيش في العُزلة والوحدة
ده أريَحلي أكيد طبعاً
لقلبي وعقلي ده أحسن
ياريت فعلاً ده لو أمكن
تكون رحلة بلا عودة
بقلمي عبدالحميد وهبه
ليست هناك تعليقات:
إرسال تعليق