سارح في الملكوت
🕊️🕊️🕊️🕊️🕊️
انا اللي قالوا عليه ده عون صاحبه
قادر يخفف جرحه
والفرحه تترسم في الحال على وشه
بحار وماشي في البلاد
بيهون همومه بغنوته
غنى المزمار وياما أنّ
عن مواويل وآهات
انا اللي سارح في الملكوت
غايب ساعات وساعات
ما رسيتش يوم علي وطن
وما لومتش الدقات
لما المزمار يدق بغنوته
ويلحن الغنوات
ولا هان عليا
لكن بهون
واثق خطوتي
حاطط قناعتي جوايا
ولا بان عليا اللوم
سايبها
لكن عايشها
بشوفها ببراح
انا اللي قالوا عليه ده عون صاحبه
ومش بستنى العون
قدمت الخير وبقدم
ألاقي ناس تصون
وتانيه تخون
لكن عمرها ما فرقت
ماشي في طريق موزون
وان قالوا عني الناس
ماسمعش ولا بيكون
عندي فضول
مانا عارف خطوتي
وما ليش في قولنا وقال
غير ناس
آخرهم كلمتين
صنعوهم من فراغ
مانا اصلي مشغول
مش فاضي للمتاهات
انا عندي حياه
بعيشها
متلحنه بألحان
ومشيت على ده الحال
بقالي سنين وسنين
فمهما كان
مايهمنيش كلامك يا انسان
حتي غلك وكرهك
ولا عمري بقول في كلام
ولا بصيتلك واديتك اهتمام
وسألتك بتقول ايه
سيبتك تغني غنوتك
انا اصلي ليا ألحان
مزمار في كل الأوقات
قادر يخرجني من همي
بأجمل الألحان
حتى لو فرحان
انا اللي ليا مزمار
عارف سيري ومعايا
في وقت بوحي
بيرتبلي بألحانه
وازاي طريقي الجاي
انا سيبت كل حاجه
تركتها
ليك يا إنسان
واياك حتي تكون شبعان
انا اللي قالوا عليه ده عون صاحبه
قادر يخفف جرحه
والفرحه تترسم في الحال علي وشه
✍️🕊️نورهان محمد علي🕊️
ليست هناك تعليقات:
إرسال تعليق