بلاش تقبل بحد ماكنش يوم شبَهك
عشان بس إنّك تكمّل باقي الصورة
من الجايز ده يبقى طِباعه غير طبعك
وتبقى الصورة غير واضحة ومكسورة
جايز يعني يشوفوها الناس طبيعية
عشان شايفنها يعني زي ما هيّ
لكن إنت الوحيد اللي أكيد عارف
بإن الصورة صورة ماهيش حقيقية
هترضى بنص مش شبهك هتتألّم
وكل لحظة هتعدّي هتتندّم
ويوم ورا يوم يفوت العمر ويعدي
لا عارف تاني ترجع ولّا تتأقلم
ده لو قدامنا كام فرصة إننا نختار
فلازم يعني نتمّهل ونختار صح
عشان يعني إختيارنا ده هيبقى قرار
معاه هنكّمل الرحلة بحب أو جرح
قرار ناخدُه بهدوء مش شرط نستعجّل
ومهما كان نتيجتُه هنرضى ونكمّل
ولو كان صح يعني هيبقى في صالحنا
ولو كان غير ...لابد إن إحنا نتحمّل
هترضى بنص مش شبهك هتتألّم
وكل لحظة هتعدّي هتتندّم
ويوم ورا يوم يفوت العمر ويعدي
لا عارف تاني ترجع ولّا تتأقلم
بقلمي عبدالحميد وهبه
ليست هناك تعليقات:
إرسال تعليق