بتقوللي إبعِد
خِلِص الغرام آخرك هنا
وبجلدك إنفِد
من غير كلام ولا شوشرة
ولا أقول ولا أسرِد
خِلصت روايتي ودوري أنا
وفاضلي مشهد
دي ماكفهاش تغدر كده
وكمان تهدد
كت واخدة قلبي أنا سِلِّمة
وعليه بتصعد
كت عاملة فيها المُلهمة
والعشق معبد
فاكراني هارضى الذل ده
هابكي وهعدد
فكرت أخلص من عذابي
وم الضنا
أقتلها وأهرب
طِلع السلاح
وشطاني ساقني لملعنة
وبجد هضرب
بس افتكرت ف لحظة
قدرة ربنا
ده عقابه أصعب
دي ماتستاهلشي عشانها
لحظة عكننة
أو أتوه او أتعب
فوضت أمري ليك يا ربي
ف واحدة خاطية ومجرمة
قررت أبعِد
بتقوللي إبعد
بقلمي/ خالد جمال ٣٠/٥/٢٠٢٥
ليست هناك تعليقات:
إرسال تعليق