بيهزر !!
أقوله تعبت ليك مشتاق
ألاقي جنابه بيهزر
أقوله كفاية يابني فراق
يقوللي ده أمر يتعذر
أقوله إيه آخرة الأشواق
يبص بعينه ويحذر
زهقت خلاص وخلقي أهو ضاق
يقول ليه بسرعة تتأثر
خلاص شتيت وصابني الداء
بشد ف شعري وبكسّر
خلاص فاض بيا من حواء
ليه غاوية ف عمري أنا تقصّر
صارحني وقوللي يا بن الناس
ليه بسأل وانت ما بتسأل
نطق بالرقة والاحساس
وقال بشويش يا عم اعقل
عشان شوقك يتنه معاك
عشان ناري تئيد جواك
عشان دايما تقول بهواك
عشان تفضل عنيك تسأل
حبيبي وعندي أحلى ملاك
حرام يعني عليك أتقل
بقلمي/ خالد جمال ٢٤/٧/٢٠٢٥
ليست هناك تعليقات:
إرسال تعليق