هات ورقة وهات وياك قلم
واكتب على قلبي اللي اتظلم
اكتب ع الحيرة وع الألم
على قلب عشقته وكان صنم
ع الويل والحسرة وع الندم
على حلم كبير ضاع واتهدم
على شوق وياك مات واتردم
على عمر وراح بقى شئ عدم
على روح كت سامعه هواك نغم
بين غيم وشروق صابها الصمم
على عقل معاك تاه واتقسم
وما بتش في الأمر وحسم
على قلب احتار فيك و أتصدم
كان عايش ليك عرش وخدم
على مين صان وعده ومين ظلم
اداك احساس منه اتحرم
مين فارق عشقه ومين لزم
مين ع الاخلاص قلبه التزم
مين كان غدار خان واعتزم
مين وفى وصان بس انهزم
هات م الأوراق عد ف رزم
أصل المعدود فاق الرقم
هات ورقة وهات وياك قلم
بقلمي/ خالد جمال ٢٥/٨/٢٠٢٥
ليست هناك تعليقات:
إرسال تعليق