وكان الجده احلامها يكون خيال
ويجيلها قال على حصانه
اتاري الجد
كان سايس وكان غلبان
ومتهندم ف احواله
وكان الحلم يخطفها و قال يجري
ومش فارق يخد شومه وخالها
يشد ف ودانه يشوف م الضرب قدامه
وعادي هى بتسوقه لمستوصف
وتربطله بايدها الشاش
لا كان غشاش
ولا مره كدب قال انا فارس
ده كان حساس وبيلبي ندا غارس
وزارع حب محدفله
بكام طوبه على كوارس
هيعمل ايه ف شعنونه
ومخ يزحلق ف كام موزه وكام حارس
اتاري طلبها يكون عنتر
ويضرب قال كبير عيله
وحراسه فوق راسه
عشان قالها مره يا جميله
صحيح زاد جوه قلبها قراطين
وشال الطين وكان راضي
واحلامه يشوف مأذون
يكون موزون قدامه
وعادي يكون عاجز يكون مكسور
يكون منصور ويملى العين
عشان خاطري روح اهرب
جوازه شين اخرتها
كام شالوت وكام تقلام على سداغك
وشوف هاديه كدا وراضيه وعايشه
كما نسمه ف احلامك
احلام سعيده
بقلم مصطفى احمد
ليست هناك تعليقات:
إرسال تعليق