أفرحوا
قبل ماتزيد أسعار الفرح
وترتفع
أسعاره مع أزمة الدولار
أو تقوم
حكوماتنا السنية بفرض
ضرائب
عليه وتبقى أسعاره نار
أو يصدروا
قرار بمنع أستيراده
ودخوله
من كل مينا أو مطار
أويصدروا
قرار بتجريم الأفراح
واللي
يفرح يبقى من الكفار
أفرحوا
قبل ما يصادر الأكابر
الأفراح
لصالحهم ويبقى أحتكار
أفرحوا
قبل الفرح ما يبقى حق
حصري
للبشوات والبهوات الكبار
أفرحوا
الفرح عمره ما كان قلة
أدب
ولا كان الفرح عيب وعار
أفرحوا
ولا اللي يضحك يبقى
هيخرج
عن الملة ويدخل النار
أفرحوا
قبل ما يخلص الفرح
ويختفي
ويبقى ماضي وآثار
أفرحوا
وودعوا كل الهموم
وروحوا
انتم للفرح ليه لانتظار
افرحوا
وامسحوا كل الهموم
بالضحك
الهموم بتقصر الأعمار
أفرحوا
أيه آخرة الهم والزعل
الا المرض
والألم والقرف والدمار
أفرحوا
شاعر العامية/ عبد المنعم حمدي رضوان
ليست هناك تعليقات:
إرسال تعليق