طلقوا علينا الكلاب
وكشرولنا انيابهم
الحرب حرب وجود
معاهم هما واذنابهم
يا أمة المليار
ايه جري ليكم
مستنين الدور
ولا خوف علي كراسيكم
يا أمة المليار
حزين قوي عليكم
جيبتوا الضعف دا منين
دي القوة كانت فيكم
يا أمة الخزي والعار
ارجعوا لدين ابوكم
وكفاية حب الدنيا
والوهن اللي فيكم
خدوا من دموع البنامي
وبسرعة كدا اتوضوا
صلوا صلاة تسابيح
يمكن ترجعلكم الهيبة
شكلكم بقي هباب
جاتكم ستين خيبة
بارمين شنبات اسود
وقلوبكم قلوب حمامه
ندعي عليكم بأية
ياخلفة الندامة
سن السيوف مسرور
وحاطتها علي رقابيكم
ادفع يا أمير بالدور
لا تطير رقابيكم
يا حكام العرب
بسرعة كدا اتلموا
ايدك في ايد اخوك
وبسرعة استهموا
الله اكبر ياعرب
آخر فرصة دي ليكم
لا هتلاقوا اوطان
ولا حتي كراسيكم
بس خلاص
بقلم
احمد محمود
من ديوان. بنا حروف
ليست هناك تعليقات:
إرسال تعليق