................
فرشوا الشوار
في قيراط فضا
حنوا فى كفوف فرح و رضا
سعد الوداد جاللنا وندا
علوا الجواب عد إبتدا
عدت شهور ولا جاه الحفيد
قالوا من الحكاوي نعيد نزيد
قالوا اللي قالوا الأرض بور
بان ليل هناها إنكشف
ولا فيهش نور
لفيت سكك على كل دور
لأجل الخلف والأرض بور
جاه يوم وطليت شمسها
والأرض عافيه في عزها
والعيب ما كنش منها
قلبوا الحقايق بدلوا
عودنا وسليم عابوا أرضها
حطوا النقط فوق
جسر خوف
لموا وداروا أزمته
يادي الكسوف
ردوها ستر لأهلها
ولا عاد يفيدنا ودها
هتعيش حياتها معلقه
تمسك لسانها وردها
تبصم ده العيب ده منها
وتصون راجلها وعزها
ودي أرض بور مات طرحها
ملهاش تقول مال سبعها
ومصممين عودنا وسليم والعيب مأصل منها
راضيه تعيش قابله النصيب
تكتم وجعها في عبها
كفياها مال والبخت مال بان الماعون مفيهاش عيال
لأجله عليل قلب الميزان
ويا ترا فيه غيرها كام
مات حلمها ووقف الزمان
بقلم .. صبري رسلان
ليست هناك تعليقات:
إرسال تعليق