ياللي عشقتك رد عليا
قلبي سألني عليك وعنيا
لو قلبك كان حاسس بيا
لو عقلك بيفكر فيا
لو قمرك سهران لياليا
لو ليا وماليك بعديا
قوللي حبيبي طب اسمك إيه
ليه تتقل وتلاوع فيا
ليه تخجل وتداري عليا
لو هاسأل هعرفه من مية
بس معاك هسمعه اغنية
هيزوِّد فيا الحنية
عمري ما هسمع صوت زييه
بتقوللي اقراه ف عنيا
لو قلبك كان مايل ليا
لو شاري هعرفه وحديا
طب قولتله سهلها شوية
فقالتلي حرفين يا عنيا
أول حرف بداية المية
والتاني رابع الألفية
فعرفته وعملتله خيه
لَاجل بصوتها ما تنطقه هيه
وكأني صوتي متحاش فيا
قام قلقت في ثواني عليا
وقالتلي أفديك بعنيا
اسمي أنا مي واسمك ايه
لما نطقت برد عليه
عرف انها كت حيلة عليه
علشان أعرف ايه مداريه
قام بصلي باصات بعنيه
قلت خلاص دانا هنت عليه
بس أوام ضحكتلي عنيه
ولقيت ايدي حاضنة ايديه
قاللي بحبك يابن الايه
اسمك ايه
بقلمي/ خالد جمال ١٤/٥/٢٠٢٦
ليست هناك تعليقات:
إرسال تعليق