لو ماصادفتش حب اسمعني
اوعى تقول الهوى لوعني
كل ما اروح له بيبعد عني
عمره ما رق ف يوم وطاوعني
امتى رحابه تحن تساعني
يظهر إنه يا ناس مستغني
خد بنصيحتي وعيش متهني
أصل الهوى مايجيش بتمني
غني لحد ما تعشق غني
عشقك جاي ان طال مشوارك
من وسط الملايين مختارك
قول ف الهوى والشوق أشعارك
خليه نغمة تزين اوتارك
غني الغُنا هيحلي مرارك
فكر فيه ليلك ونهارك
احكي معاه كما لو كان جارك
قوله يا هوى ايش حال اخبارك
بكره هييجي ويسكن دارك
زي ما عشت لقاه مستني
هوه كمان مشتاقلك يابني
غني لحد ما تعشق غني
بقلمي/ خالد جمال ١٦/٥/٢٠٢٦
ليست هناك تعليقات:
إرسال تعليق