إن يوم سألوني عن الأحوال
برد مجبورة
وان حد سألني ان ضاق الحال
بقوله مستورة
وان سألوا ف يوم عن بخت ومال
ونفس مكسورة
بنكر وبقول دانا عال العال
ونفسي مسرورة
وان لمحوا الدمع ف عيني وسال
بقول دي معذورة
من كتر ما شافت ريح ورمال
وجو شبورة
وان قالوا عليا طويل البال
أصل ومالوش صورة
دايماً بتصبر ع الأهوال
ف دنيا مغرورة
ما بتشتكيش لو زمنك جار
لا لدولا أو دولا
صابر و صبرك عدى جبال
وبترضى بسهولة
بقول ده فضل وعدل كمان
ونعمة موفورة
داري العذاب أشكال والوان
وعيش كعصفورة
بتسيب توكالها على الرحمن
وأملها كام فوله
لو مهما عانت م الطيران
بتعود ومجبورة
احمِد ف شدة عزيز رحمن
تلقاها مستورة
بقلمي/ خالد جمال ٩/٥/٢٠٢٦
ليست هناك تعليقات:
إرسال تعليق