فصل ربيع فتح عنوانو
والشمس ف سماها ياك شرقات
ولقات زهار سر مكانو
وتبوح بلسانها راها جات
وطبيعة ياك فرشات زرابي
لحباب تهدي مشامم لزهار
زوقت لينا ديك روابي
محلاها طبيعة فل ونوار
فاح لعبير يوصل رسالة
لقلوب تنبض تسابق لكلام
اهل الحرف في عرس الحالة
يتكلمو فاتو البوح ونغام
ركبو جيادهم حركو لنفاس
من معاني الحرف جات لقصيدة
يهديو ماعندهم لكل الناس
ماخلاوها وحدها فريدة
كلمنا امداد ديك دواية
لخيال ياك ركبنا لجياد
وطبيعة قدامنا مراية
عشقوها بمحبة لعباد
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق