ياللي انت هواك أكبر نعمة
وحياتي معاك سكر طعمة
ياللي انت ملاك زي النسمة
وسكنت الفضا ويا النجمة
دانا لو مش حاسك ابقى اعمى
ويا رب ان بكدب ابقى اعمى
والنعمة بحبك والنعمة
وحياة الشوق اللي ف عينا
وغلاوة العشق اللي ما بينا
ماقدرش انا عنك استغنى
ده الهوى موال والشوق مغنى
وياقوتنا اللي مغلي مصاغنا
دانا عارفك من قبل زمانا
دانا عاشقك والعشق دمغنا
من يوم مليمنا وارساغنا
والشوق ف بعادك نار تحمى
مش بحلف علشان بتودد
او شايفك ف الهوى متردد
ماهو عشقك ف الروح متسيد
وعنيك بتبوح بيه وبتأيد
ده هواك نهج لقلبي يحدد
خطوتي لو اضل ف يوم وابعد
ولا عمري هميل عنه واحود
دانا بحلف ليك لاجل ما جدد
عهدنا في الشوق ولا يتبدد
والروح ف هواك تعلى وتسمى
والنعمة بحبك والنعمة
بقلمي/ خالد جمال ٢٨/٧/٢٠٢٦
ليست هناك تعليقات:
إرسال تعليق