*بقلم: حسن أبو زهاد*
مين اللي قال إن السعادة في الفلوس؟
خذوا الفلوس..
عشان الفلوس الناس تدوس كل القيم والإنسانية والحياة.
عشان الفلوس الناس تبيع عشرة سنين،
يبقى الطمع طوق النجاة.
عشان الفلوس نكذب كثير، ونبيع للناس مستحيل.
لما الأخ يقاطع أخوه،
والولد يكون عاق لأبوه،
وكل واحد يعيش لوحده وينسى وسط الكدابين روحه وأصله،
يقطع وصاله بالمحارم، يبقى غارم...
_يبقى أكيد فيه شيء غلط._
عشان الفلوس الناس _تدوس_
_على_ قلب كل الطيبين.
قلوب الصحاب تصبح خراب،
ونبني للناس مستحيل.
غرابين تحوم على المحبورين،
نقل الكلام يفسد أرواح العاشقين.
ضاعت العهود، وأصالة الجدود بقت كلام وكدا والسلام.
_خلت قلوبنا من حجر_، مفيهاش حياة فيها سواد.
زود عذاب الشقيانين،
خلت جروحنا تلوثت وتقيحت،
محتاجة بتر.. من آثار الغرغرين.
أصل السعادة مش كده
في أكلة حلوة ملهلبة، ولا كوم هدوم،
ولا مين تكون.
_أصل السعادة في الرضا_
_وفي القلوب الطيبة اللي لا يمكن يوم تخون._
خدوا الفلوس..
خدوا العذاب..
عشان عليكم بالخراب مع دعوات المظلومين.
_وداعاً يا كل الطيبين_
_〚 𓎛𓄿𓈙𓈖 𓄿𓃀𓅱 𓆑𓎛𓄿𓇑 𓅓𓂋𓇋 𓆎𓅓𓏏𓊖 〛_
-
ليست هناك تعليقات:
إرسال تعليق