بيقولوا الشعر دا بيشيب
اه صحيح
ويقولوا القلب كمان بيشيب
طب ليه قلبي انا اخضر
مزروع تملي جناين ورد
تمشي الحلوه تتمايل وتتمخطر
تقطف من هنا وردة
وكمان عود ريحان اخضر
وتشم الفل مع الياسمين
مع ضوء. الشمس اللي بتظهر
مع صوت زقزقة عصافير
والندي علي الورق الاخضر
تشوفها. تقول. حبات. لولي
تلمسها قوام قلبي بيحضر
قوام بيصبح عل. الحلوين
وعيونها السودة دي بتنور
ورموشها السودة تبربشلي
يا صباح الورد اللي منور
منا. قلبي في الغرام. عاشق
وعداد . العمر ما بيفرمل
احب الحب علشانها
ونجوم الليل لما بتظهر
وأشوف القمر في عيونها
ماشي بيضحك ويتغندر
أحبك حب ما وصفشي
بلون الورد أما بيكمل
واحب البيضة والسمرة
وألخمرية دي والشقرة
وشفايف الورد أما تنادي
اجري عليها واتمخطر
بيقولوا عليا قلبي كبير
يساع من الحبايب الف
لا عمره كل ولا أتبطر
وحكاية الشعر دا الوان
والقلب شباب ودايما يصغر
ما. تستعجلوش كدا ف الايام
وان العمر خلاص يكبر
وكمان القلب دا له احكام
وعدد دقاته دي بتصغر
انا قلبي شباب علي طول
وقد. اعذر من انذر
بقلم
احمد. محمود
من ديوان. بنا حروف
ليست هناك تعليقات:
إرسال تعليق