ونعدّي كلام آسي وجارح
ونفوّت علشان مش نتعب
إيه يفرق بكره عن إمبارح
فيه حاجات م السهل نعدّيها
وحاجات عايشين دايماً بيها
وعرفنا إن الجزء الأصعب
ده رجوع المية لمجاريها
نزعل وبنرجع كالعادة
وبكلمة أو إتنين نتراضى
وبنغفر عادي وبنسامح
حتى إن كان غلطة ومتعادة
فيه أمور علشانها بنتجاهل
على نفسنا نيجي ونتحامل
والثقة علشان ترجع تاني
صدّقني ده شئ مش بالساهل
نتقابل نتكلّم عادي
تيجي حبة عليا وأكون راضي
وآجي حبة عليك وبتتناسى
ونقول هتعدّي المرادي
ممكن نتعايش ونكمّل
ونحاول فعلاً نتحمّل
لكن م الصعب الثقة ترجع
صدّقني في يوم زي الأول
بقلمي عبدالحميد وهبه
ليست هناك تعليقات:
إرسال تعليق