طل بدمع ع ال كان
حط, بأيدي وقال
شو ذبّل الاغصان
شو سكّت الالحان
شو كدّر الولهان
تركتك حلم بانسان
لقيتك عتم نسيان
وينو اللي كنت وكان
ليش الضحك هربان
وبيت الوله اشجان
تركتك سنة وشهور
تركت الهنى بأفنان
طفت المدى حيران
قصة يخطها ال خان
غصة يحطها ال هان
وحصة قلب احزان
حطيت فوق الدار
دار اللي خان وبان
لوحة قسى بأركان
راسم عليه قلوب
وجنب القلب أكفان
حطيت جنبو وقلت
شو معنى هالالوان
قال القلب للهان
وقال الكفن برهان
وع صوب كلمة:كنت
وع صوب كلمة :كان
وع صوب اسمك انتْ
وع صوب نسمك لان
رجفان بين الخوف
يمكن انا غلطان
ومضيع العنوان
معقول هاد الخل ؟
معقول هاد انسان؟
كنت اسمعو ولهان
وجاي لحضن, بردان
بسمة تناجي الروح
وزهر الهوى بستان
وصوت العشق فتان
ع اللهفة قلت :جنان
ع الرجفة قلت: ادمان
اسمك واسم الخل
خط الزمن جدران
وصية شمع ل أزمان
يمكن يحن للصان
عليت حلمك فوق
تقول الزمان أحسان
ع باب واقف شوق
بخطوة العتب حلمان
شرفة تطل بعيد
بوجه المدى الزعلان
خيط الشمس حيران
وضو القمر خفتان
تركتك سنة وشهور
لقيت الاسى دكان
تبيع الدمع للناس
بنص الثمن خسران
وغص الزمن بال خان
وغص الزمن بألحان
الشاعر/ ياسر المهندس
ليست هناك تعليقات:
إرسال تعليق