راجل..50
راجل ترك بيته ومشي ف الحرام ومش مقدر ظروفه
لا عارف يعني ايه مسؤوليه وكل يوم محكمه ونيابه
الكل منه بيشتكي ولو شخص واجه يعلي بصوته
وتنتهي بحكايه واللي مش عجبه يستخدم عضلاته
ويغلط حتى ف ولاده ومراته لا له عزيز وحاسيس دايما بوجوده
الكل بيدعي عليه حتى أولاده لايعرف طعم الحنان ومش قد الامانه
فلوسه كلها ف جيبه يصرفها ع الحريم ولما زوجته تطلب تبقى مصيبه بالنسباله
يحب يتمتع بشبابه ويستخدم غيره عشان يلبي رغباته
لا يعرف ربنا ولا رسوله ولا عامل حساب لأولاده اللي من صلبه وطمعان كمان ف اخواته
يبيع دهب مراته اللي شيلاه معاها لبناته ويقول دا حقي وماحدش له عندي حاجه
لا ف احساس ولا كرامه وعايش حياته بزياده وفاكر بكده شطاره
رافض النصيحه وماشي ف طريقه وف المخدرات بيتاجر وربنا سلط عليه شركاؤه
خانوه وباعوه وأصبح مالوش عازه يصرخ بأعلى صوته وشايف دمعت مراته وولاده
عايز يطلع من قضبانه وببتدي يعدل من عيوبه لكن بعد ايه لازم تكون دي النهايه
اتحكم عليه ومش قادر يداري دموعه عمال يبوس ف ولاده ودمعته سابقه كلامه
الرجوله مش مظاهر كدابه وتخالف ضميرك وتمشي ف طريق غير مشروع وعايز كل حاجه
لا دا ربنا موجود وبياخد حق الغلابه اتقوا الله يا رجاله دي مسؤوليه وف نفس الوقت رساله
راعي بيتك وصونه وادي الامانه انت بتسعي عشان تحقق لغيرك السعاده والإبتسامه....
الشاعر طاهر مختار عتيت
شاعر العصر....تحيا مصر
طنطا....كفر الزيات...اكوه الحصه
ا
ليست هناك تعليقات:
إرسال تعليق