الوالدين..51
الوالدين ربنا عليهم هايحاسبنا وقد ايه غدرنا بيهم وخونا
خونا العهد اللي ربنا عليه استأمنا وضحوا كتير عشان يرسموا الفرحه ف عيونا
تركوا بيوتهم وعاشوا ف اوضه بالنيه وف صلاتهم يدعونا
وبعد دا كله مش ملي عينا نهنهم عشان نرضي حريمنا
بحكم الحب والعشق اللي هايجننا ومسيطر ع عقولنا
يفضلوا يضحوا ومش عايزين غير راحتنا والسعاده تملى قلوبنا
لكن الطمع عمى عيونا ونفضل نتمنالهم الموت عشان ناخد منهم حقوقنا
واللي يرفع ع أبوه قضيه واللي يغدر بأمه وفكرها شطاره منه لا دا ربنا موجود وهايسلط علينا ولادنا
ماهي دنيا ودائره واللي قدمته هتلاقيه وهانشوفه ف يوم قدامنا
مش هانقدر نداري دموعنا وهانعرف قد ايه ظلمنا وغدرنا بناس تحبنا وتعشقنا
وهانتحاسب ع كل كلمه وجمله والظلم اللي بيجري داخل عقولنا
ربونا وعلمونا وجوزونا والآخر ننهي القضيه وفلوسنا ف جيوبنا
ومافيش كلمه حلوه لأب وأم كانوا بيسعوا ف توفير الراحه اللي تناسبنا
لكن تعمل ايه ف ظن الحريم والدلع اللي مالوش لازمه وتفضل تشتكي لجوزها عشان ينفذ شروطها
وتغير جوزها وكله بسبب المتعه واللذه أصل اللي خلقها ماخلقش غيرها
اهدي وفكر بالعقل والحكمة ولو مش عاجبها عشتك دور ع غيرها وبلاش تغدر بأب وام عشان تسعدها
ارضيهم ف الدنيا ومافيش داعي للجرح والقاسيه هي لو مكان امك هاتبكي بدموعها
لكن عشان شابه وحاسه بالفرحه تلاقي الشيطان مسيطر ع أفكارها وعايزه كل حاجه في أيدها
لازم يكون ليك شخصيه وابوك وامك نعمه تقدرها وتحافظ عليها وتصونها....
الشاعر طاهر مختار عتيت
شاعر العصر....تحيا مصر
كفر الزيات...اكوه الحصه
ليست هناك تعليقات:
إرسال تعليق