الخميس، 1 أبريل 2021

أغتالو ‏الوفا ‏بقلم ‏ريما ‏خالد ‏حلوان ‏

اغتالوا  الوفا

 وعمروا للخيانة 
بيوت 
كرسوا حالهم 
 مثل خيوط 
العنكبوت 

تعلقوا  بحبال المحبة 
ودمروا  خيطانها  
وسيجوا  سيا ج  الغدر
بالقلوب

ليش الوفا 
عمرو قصير 
والخيانة ما بتفوت  ؟

ليش قلوب المحبة  
عامرة  بالاحزان 
وما بتموت ؟

ليش يا دولتنا الكريمة 
شيمتك الغدر
 ونكران الجميل ؟

ليش يا هل مسؤولين 
ما بترحلوا على البيوت ؟

البيوت سترتكم  
ليش تاركين 
العالم تنهش بشرفكم ؟
 وانتو نايمين  بالتخوت 
شي اخوت 
شي مجنون 
شي عالعكاز 
شي بلا فيوز 

جربوا تلعبوا لعبة 
الضمير
 بركي بتحبوها 
وبيصير الشرف 
عندكم مطلوب 
 حاجة  هاملينو 
 بعنادكم المعهود 
ما بتقدر بالغصب 
 تفوت  ع القلوب 

بهل بلد ما حداً 
بيلغي حداً 
حمول جارك
 مثل ما هوه حاملك 
والا المقبرة ناطرتك 

مثل كثير رحلوا عن الحياة 
تاركين اعمالهم 
ولهلق ما انجزوا
 الا تاريخ منهوب  
يلي مكانه المزبلة
 انتو وسمعتكم 
يلي عم تفوح 

بقلمي 
ريما خالد حلوان

ليست هناك تعليقات:

إرسال تعليق

مشاركة مميزة

ملكة الياسمين بقلم فاطمة حرفوش

" ملكة الياسمين" دمشقُ يادرةَ الشرقِ وعطرَ الزمانِ  ياإسطورةَ الحبِ ورمزَ العنفوانِ لا عتباً عليك حبيبتي إن غدرَ بك الطغاةُ وأوصدو...