كلمة في كلمة
( شمس الكون )
كلمة تقراها من الشمال
لليمين تبهرك
ولو مال عليك
الزمان تسندك
وفي وسط
الشدايد تنجدك
ولو ميت الف حب
وحب هيه تحضنك
مين غيرها في
حياتك يسعدك
مش هتعرف
تعدي في سكتك
غير لما تركع من
غير صلاه على ركبتك
تنول رضاها من الاله
وتخوش برضاها جنتك
الكلمة هيه( ياما ) ( آما )
فاكره ياما وانت قايمة
تعصري بايدك هدومنا
تمسحي بقلبك دموعنا
تسبقي في الليل زمانا
تندهي عالخير يجلنا
تزرعي في النور املنا
تحصدي تعب السنين
تمحي بإيديكي الانين
حنيتك جايبها منين
ده انت معجونة بحنين
تتروي منه السنين
ينحني قصاده الجبين
ربنا وصي عليكي
في كل حين
خد بالك يابني
من الطيبين
اوعها معاك
تحس بالانين
فاكرة ياما
وانت قايمة
والبرد عايش في ايدك
يترجف منه في وريدك
تترعش منه الجبال
وانت خايفة عالعيال
ولو كبروا انت برضه
خايفة عالعيال
ولو مال بيهم الزمان
انت أقوي من الجبال
وبرضه صابرة
وعالعيشة راضية
و لو كانت صعبة
وابتسمت وانت ماشية
الوجع مليكي ومخليكي
منتش قادرة
بس صابرة وراضية
كفاية بقه شيل في همي
ده انت دايما كنتي دمي
ده انت قلبي
اللي كان حضني
بلاش دموعك تشتكي
قسوة زماني ودنيتي
وانت حاسه قسوتي
نفسي ياما ترفضي
نفسي في حياتك تعرفي
حنيتك فوق قدرتي
ده اللي خلقني ياما
خلا طاعتك فوق جنتي
سيبيني شوية
اشيل في همي
ولا انت اتعودتي تلمي
حزني وخوفي
وشوية في المي
وفي فرحتي
الاقيكي جنبي
يبقي مين يعرف غلاوتك
وانت عايزاني افوتك
والله ده يبقي موتي
عشت ياما تريحيني
بآلام مايتحملهاش
الجبال ترضيني
طب ليه عايزة
تسبيني في وحدتي
خلاص نسيتي فرحتي
تمشي ليه من دنيتي
لمين بعدك اشكي
عذابي وشكوتي
انا بعدك ماضي
وفاضي وعادي
وحشني ابوس حنيتك
انت لازم تفضلي
عن الا يام اللي
شوفتيها تفرحي
بقه معقول ابقه
تعبان وهموت
وانت تتمني
نجاتي و فرحتي
ولما تكبري وتتعبي
اتمني ترحلي
هوه ده العدل
العدل لازم تفضلي
ولا ترحلي لاترحلي
تأليف ////// وائل أصيل
ليست هناك تعليقات:
إرسال تعليق