كلمة في كلمة
( كل عام وانتم بخير)
يقولوا كريسماس مابنخلصش.
ياعم ده عيدهم
مش عيدنا ماتزعقش
اوعي تسلم عليهم
ياحسن ماكلمكش
لكن لو عندك محل
وبتبيع بابا نويل
صوتك مانسمعش
انت عامل زي الخفاش
بتهيج ومابتنفعش
احنا ولاد البلد ده شوية
ميه بتروينا وماهنشبعش
حب وصلاة وترانيم
وغيره ماهنسمحش
ان البلد بالفتنه
تركع ماهتركعش
امال في الحرب ليه
ماسمعنكش بتقول
حرام وماتسلمش
استخبيتوا في خندق
واحد واكلتوا لقمة
عيش ماتتكلش
ما انت ياما في رمضان
نزلتله كنافه
وقطايف وماكسفكش
ولما قبلك وقالك
رمضان كريم
ليه مااتشديتش
قرانك قالك برهم
وبالسلام ماتبخلش
ربك رزق الجميع
ومن خيره مابيحرمش
ياناس حرام احنا
دينا مابيفركش
الدين للديان يحكم
بعدله وما هيظلمش
السلام اصل حكايتنا
وغيره مانعرفش.
.. تأليف ///. وائل أصيل
ليست هناك تعليقات:
إرسال تعليق