* ما بينساش تنهيدة القلب *
...............................
*ما بينساش تنهيدة القلب
إللي طالعه جوا سكووت
ولا دمعه نازله علي الخد
تجري وتصرخ مليون صوت
*وإن شاف دمعه جوا عيونا
أو حس بتنهيدة تإلمنا
تجري إيديه قوام تحضنا
ويقولهلنا أنا موجود
*مهما الدنيا بريحها هتعلي
مهما الحزن هيجي ويقوى
هو القادر هو الأقوى
ياما عشانا حارب لإسود
*هو إلهنا وهو حاسسنا
قبل الأها ما تلمس خوفنا
نظرة عينه دي تطمنا
حبه لينا مالوهش حدود
*إللي بنسند راسنا علية
وإللي بنرتاح جوا عينيه
مين يقدر يجي يعاديه
بيه القلب قوي ومسنود
#كرم ميخائيل
ليست هناك تعليقات:
إرسال تعليق