افهمينى واعرفى ...
***
من كلمات
الطبيب الشاعر/ د.محمد رزق
***
افهمينى واعرفى
ان حبى مش مجرد كلمتين
يتقالوا وقت الدردشة
او مزاح أو فرفشة
افهمينى واعرفى
واسرحى فوق الخيال
الحقيقة ان انا
حبى ثابت كالجبال
حب عارفاه الرجال
يعنى لو فكرتى عنى تبعدى
بُعدِك مُحال
واسألى نفسك كده
لو صحيح متأكدة ،
يوم قابلتى قبل منى زيى عاشق ؟ .. مستحيل
لو عرفتى الحب قبلى ،
هاتى م الأحباب دليل
افهمينى واعرفى
إن قلبى فى الغرام
والعشق دايما مش بخيل
وان انا زى النخيل
مهما يرموا الطوب عليا
باحدف الحب الجميل
***
الحب مشكاة القلوب ونورها الإخلاص .
الطبيب الشاعر/ د. محمد رزق
ليست هناك تعليقات:
إرسال تعليق