حصان الأمل
كل يوم أركب حصان
الأمل وارمح
والأرض تحت الحصان
متكسرة
والملم بإيدي خيوط
آمال متبعترة
والحصان من غير تعب يرمح
واشد اللجام ومن الألام
يبكي الحصان
واقول له مالك يابطل
يقول لي انا
باجري علي ارض شوك بيجرح
واقول له انا إرمح
وقع الحصان وانكسر
وبص لي وقال لي
هنا الطريق انتهي
واللي فضل ضلي
قلت أكمل انا ولوحدي
اشيل حملي
غمضت عيني علي دمعتي
وبطلت انام واسرح
وكل يوم اركب حصان
الامل وارمح
دلوقتي ضاع الامل
ولا عاد فيه حصان يرمح
وبطلت انام واسرح
سيد حجازي
ليست هناك تعليقات:
إرسال تعليق