اهلا كوكسال بابا
بقلم الكاتب
محمد عباس
الاسماعيليه
اهلا مرحب كوكسال بابا
انسان هادي وكله طيابه
جانا يغني والايهني
رحنا نقابله بالشيكولاته
لحظة صمت امام الفن
مين بيغني ومين بيئن
فين اللحن يااهل الفن
فين البحه ياناس هتجن
خلي اللي يعدي يعدي
وخلي اللي يمر يمر
هما يومين اتنين والتالت
مين الفايت مين البايت
مين الزايد يعمل دايت
مين الفاضي يشرب لايت
مين هيبقي ومين هيكر
مين هيئب ومين هيفر
مهو ده زمن الانستجرام
واتس فيس و شات الهام
حركات عايقه بدون ابهام
لعب اتاري وتحقيق حلم
وامام كرسي غيبه ونم
هوجه وضجه بكل حماس
ناس بتجاري وناس تنباس
ناس بتحور مزة وكاس
خلي اللي يفوت يفوت
خلي اللي يطق يموت
مراح وقت السكوت
والعيشه صبحت خل
كوكسال بابا وكام مليون
قصه غريبه بتملي الكون
فين الفن ايه المضمون
نازله عليه كرامات بالكوم
بعد الشو والناس ملهية
قلة عقل وخيبة قوية
قصة لفيلم اوتمثيليه
مسلسل فيه حلقات دراميه
ناس عطشانه وروحها نديه
ناس سهرانه وعايشه قضيه
شهره ومجد بدون مرزيه
فكرة جديدة لازمها ماهية
ليست هناك تعليقات:
إرسال تعليق