قصيدة شروقي
........يلي ملكت القلب.......
يلي ملكت القلب ﻻتقتلو أرجاك
خلي مزاجك مرن والطبع إنساني
مهما يجور الزمن ﻻتزعلو إياك
عاطيك قلبي أنا برسم اﻷماني
ماكنت بعشق حدا ياساحري لوﻻك
لوﻻ عيون الذي بسهمو رماني
معقول يا آسري بطل أنا أهواك
مازال عشت العمر كلو بوجداني
بنسا لكل الدني وبالعمر مابنساك
إنتا الوحيد بدنيتي ما إلك تاني
.......
بقلمي
الشاعر عيسى وسوف باظة
ليست هناك تعليقات:
إرسال تعليق