يا خسارة يا أمي
لسه القدس مش حرة
طول ما الامة مش حرة
نتهان مرة ونتساق مرة
ولا قيمة لنا جوه ولابره
وصوت الحر
في السجون محبوس
وساسة وبحراسة
وف الخلف عالإدين بتبوس
والخاين من دمنا منجوس
شبعنا خطب كدابة وراح درة
والاف درة والاف نفوس حرة
وكل مرة تقوم ثورة
ونقول أشعار ونشربها
ف كاسات مرة
وبعد ايام بننسي الام
ونطبع ونتصالح مع الصهيوني
وتبكي عيوني علي دمي
واقول ياخسارة يا أمي
عدوك قتل إبنك سحل بنتك
قوليلي بس فين جندك
وفين رجالك الحرة
يعودو قدسنا حرة
سيد حجازي
ليست هناك تعليقات:
إرسال تعليق