أنا عايزك تضحك والضحكه تعليها لفوق
وتقول للزعلان سيب همك من نكدك فوق
وتخلى الضحكه كمان جنبك وفى غرقك طوق
خليك كدا دايما مستنى الضحكه بشوق
أنا عايزك تضحك وتخلى الضحكه مكان
لو يوم نستفسر عن ضحكه نلقاك عنوان
وإنساها مشاكلك وهمومك لو أى إن كان
بالضحكه هيتغير وضعك ترتاح البال
أنا عايزك تضحك من قلبك وتحس الضحكه
وتعيش الدنيا هتضحكلك وهتحلى الرحله
وإن قالك حد فيوم اسكت أو دارى الضحكه
قولو انت ياصاحبى ماشوفتكش فى هموم الرحله
الضحكه أساس لازم تنبى الفرحه عليه
وإن نكدك يوم خدعك عادى بالضحكه داريه
وإرميها حمولك عالمولى وبثقتك فيه
لو مُرْ العمر فى يوم خدعك بدعاك حليه
تحياتي /
مدحت لطفى عبدالعال
ليست هناك تعليقات:
إرسال تعليق