ـــــــــــــــــــــــــــــ
امشي تملي سليم النية
ولا تهتم لكلام مرازية
الناس للناس مش سايبة
فاكرين لنوايا الناس دول فاهمة
دا الله وحده العالم بالنية
مابيخبر بيها حتى ملايكة
يكتبوا كل كلامنا بالدقة
والأفعال وسكونا والحركة
لكن حسابنا هو علي المولي
هو ☝وحده عالم بالنية
تعالوا اسمعوا قصة لحكمة
جحا وحماره ويَّاه ولده
مشي مع ابنه ويَّا حماره
قالت الناس شوفوا لخبله
معاه حماره وماشي بولده
ليه ما بيركبوا آه من هبله
قام راكب جحا وواخد ولده
بجواره علي حماره ومشيوا
قالوا ماعندوش رحمه ياقلبه
حماره من حقه لوكان رفسه
قام نزل وترك ولده لوحده
ومشي هو وماسك له حبله
قالوا ياجبروت ولده ياظلمه
تارك أبوه عجوز حاني ظهره
قام نزل الولد ورَّكِب أبوه
قالوا عجوز مابيرحم فلذه
ولده صغير ليه راكب سايبه
جحا حمل حماره علي ظهره
قالوا مجنون وجنانه دا غلبه
شايل حماره وماشي بولده
لازم نحجر له 🏥 بمستشفي تلمه
يبقي درس ليه واللي بيتبعه
دي قصة جحا ويَّاحماره
يمكن نعرف كدا من أحواله
إن الناس ما بتترك لولحظة
أي كلام من حرف ومن نقطة
احنا بنية سليمة وصافية
يبقي تمام 👌هنسير علي البركة
احنا بنبغي رب الكعبة 🕋
يرضي ويقبل وويَّانا أحبة
كل عملنا لوجه الله يرضى
يبقي ساعتها ورب الكعبة
فزنا بدخول جنة ونرضى
برفقة سيدنا رسولنا حبيبنا
ونول زيادة رؤية وجه الله
راضي عنَّا وجنته هتسعنا
أشهد ربي لغير الله مابنغي
كل عملنا لوجه الله يرضى
ـــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق