........قالت........
حمي جناحاتك حملني وطير
منتوف ريشي مابيحمل جناحي
توكل ع الله بحيثو كبير
مابدي خاطر منشان ترتاحي
قالت مارح ينقصك تدبير
بهيك مواقف بعرفك صاحي
قلتلها بيكفي بقى تنظير
وكيف رح حارب بلا سلاحي
حلول المسائل بدها تفكير
بعد الغلط مابينفع نواحي
بعد الممات التعقيم والتطهير
دخلك شورح ينفعوا جراحي
قالت يحبي هيك ما بيصير
تحرم فؤادي بهجة فراحي
قلتلها لكن مافيي طير
وهيك حمل ما بيحملو جناحي
....بقلمي
الشاعر عيسى باظة
ليست هناك تعليقات:
إرسال تعليق