في حكمة بتقول .....
ما يمسح دمعتك غير إيديك
فتش في إلى حواليك
شوف مين بيخاف عليك
مين غيابك يفرق معاه
ولما تتألم هيحس بيك
ومين يشوفك وإنت بتعاني
وهو مش فارق معاه
إنك بتضحك أو بتبكي
أو حتى بتصرخ بأااه
إلي حبك بجد من قلبه
راح وسابك عند ربه
و إلي باقي مستني
إنت بس إلي تحبه
إنت بس إلي تمد له إيدك
إنت بس إلي تسمعله
طب مين هيسمع صرختك
طب مين هيمسح دمعتك
ما أنا قولتلك ....
محدش هيمسح دمعتك
غير إيديك ... ..
فكر في نفسك ولو لمرة
ماهي برده ليها حقوق عليك
فيه فرق بين الأهتمام
وبين المسئولية
و أنا مش طالب غير سؤال
انا بس عايز حد لما أغيب
يسأل عليا ...........
الإهتمام ما بيطلبش
ولا حتى ينفع نشتريه
لو كان له سعر .......
كنت أول واحد يشتريه
إن شاءالله أبيع هدومي
ولا أروح أشحت عليه
الإهتمام نوع من العطاء
مش أى حد من البشر
يقدر .......... يقتنيه
وأرجع و أقول يا بشر
ما حد هيمسح دمعتك
غير إيديك....
بقلم
هانى فتوح
ليست هناك تعليقات:
إرسال تعليق