بنتي إللي من صلبي ......... بإيديها كسرت قلبي
ساقيتها م الحنان شربات
ساقيتني من المر كاسات
يا خسارة تربيتي فيها ...... ويا خسارة حبي ليها
إللي اسمها ارتبط باسمي ... كانت هي سبب همي
انا اللي بإيدي ربيت
خليتني أقول يا ريت
وقولت الأها من قلبي ........... ولا كإنها سمعتني
وفضلت اداري واخبي ....... وياما كتير جرحتني
قلبي عليها انفطر
وقلبها عليا حجر
هاعيش وعنها مش راضي
واموت وابقي ف زمن ماضي
وبكرة هاتتحرم مني
بنتي اللي بتبعد عني
الشاعر الغنائي / عرفات فرج الله بلبل
ليست هناك تعليقات:
إرسال تعليق