وانا كمان محتاج لك
ومن زمان بندهلك
تطفي نار الحرمان
اللي قايده جوايا من قبلك
هو مافيش قبل كدا حد قال لك
انا الغرقان ف بحرك
ايوه محتاجلك
انا ادم ياحواء
غيوم وضباب ومطر
ورياح احساسي هو
انا ادم ياحواء
صبرى من صخر الجبل
ودقي حبات رمل الحجر
وعمري اهات وشيخوخة الشجر
بصيلي واحكي لي لا لا غنيلي
وارويني صخري عطشان عطشان
وقلبي من ايام اهل الكهف نعسان
اسقيني وارويني من نهر شمسك
احييني خبيني باقي الدهر ف قلبك
هو مافيش قبل كدا حد قال لك
انا الغرقان ف بحرك
ايوه ايوه محتاج لك
تعالى حلى مرار الدنيا شويه
تعالى خلي السما تمطر حنيه
واشوف ف عينك دنيا غير الدنيا
وانسى الماضي ف سنينك
والحب يفرش وينام بيني وبينك
وامشي ف بلاد قلبي على مهلك
هو قبل كدا مافيش حد قال لك
انا الغرقان ف بحرك
ايوه ايوه محتاج لك
على عبدالرحيم محمد
ليست هناك تعليقات:
إرسال تعليق