كلمات صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية
طريقك اخضر
طريقك اخضر
أنا بالورد هزرعهولك
ولو جيت تمشى
بالورد الطريق افرشهولك
ولو عايز ماضيك معايا
فى ايدك احطهولك
ما انت اللى بايع
اللى عايزه ادبهولك
الحب مش بالغصب
الحب بيبان فى عيونك
روح للى ضحكو عليك
تقول ومش هيسمعولك
بكره يسيبوك وياجونى
بعد ما يبكو عيونك
وصفولك الوصفه غلط
بالوان باهته رسمولك
هتمشى وعليك مش هندم
ولا عيونى هيندهولك
لو شارى عنيه ليك
ولو بايع ما يلزمناش نورك
أنا قلبى مش ناقص وجع
ايه عايزه اديهولك
ما فيش طريق يوصل ليك
إلا ومشيتهولك
دلوقتى جاى تقول
أنا فى عرضك أنا فى طولك
روح احنا خلاص نسيناك
ولقينا نور غير نورك
ما بهمناش تغيب
أو امتى يكون ظهورك
طريقك اخضر
أنا بالورد هفرشهولك
انت اللى بايع
اللى عايزه أديهولك
ليست هناك تعليقات:
إرسال تعليق