في ناس كتير بيقولوا
خدنا ايه من الحب
غير السهر والدموع
ومعاها وجع القلب
خدنا ايه من الحب
غير الخيانة والهجر
يارب هوا انا
عليا ذنب
كان شعاري في الحياه
خدلك ياعم جنب
بس المصيبة
إني لسه عايش
وقلبي بيصرخ ويقول
دوم. دوم. دوم
وشايف كل الناس
حوالينا غرقانة
في الحب
انت اللي خايف تطب
طب ياواد جمد قلبك
وانزل في بحر الحب
ياعم سبني في حالي
اللي علي الشط عوام
ياسيدي
ماحدش مات بالحب
قلبي لسه عمال يقول
دوم. دوم. دوم
وغرقت في بحر الحب
ياسلام علي الحب
ياريت كان عندي
الف قلب
وكل القلوب تعشق وتحب
حتي لو فيها
وجع القلب
بقلم
احمد محمود
من ديوان سكة العاشقين
ليست هناك تعليقات:
إرسال تعليق