***** عيون حبيبتي *****
حبيبتي ليها عيون ........ من أجمل ما يكون
ومهما يكون ف الكون ... ولو إيه قصادها يهون
فيهم سحر وجمال ...... بيهم بتسحر عقول
والخفه والدلال ........... دلع ومش معقول
عيون مرسومه رسمه
جواها أحلي بسمه
بتطل زي النسمه
وافضل بيها مشغول
عيون ف أحلي وش ..... شايف فيهم طيابا
لا بتكدب ولا تغش ........ ومتعرفش الديابا
والحب والحنيه
مفيش فيهم أسيه
تسهر ليهم عينيه
عيون أحلي صبابا
حبيبتي ليها عيون .... تشوفها تقول ألله
والعاقل والمجنون ........ في جمالها الكل تاه
لا هي من البشر
ولا حته من القمر
موصوفه في القدر
ملاك بعشق لقاه
الشاعر الغنائي / عرفات فرج الله بلبل
ليست هناك تعليقات:
إرسال تعليق