إهدا يا قلبي شويّه
وأنا أحكي ع اللي بيّا
م تقوليش إنت عارفهُ
ياما بتشوف عنيّا
وتقولي بلاش أقولك
وأسيب الأيام تدّلك
اللي إنت فاكرهُ حُبك
م أهوش حبُك لوحدك
ده ياما حّب قبلك
وكتير غيرك حبايبهُ
وأكيد ح يحب بعدك
زي الهاجرين قرايبهُ
يا قلبي إسأل عنيّا
دي شافت منهُ ياما
طاوعني أصُبر شويّه
ده هواه سكة ندّامه
أنا منك وإنت مني
مفيش بينا الخداع
إن رحُت معاه تبيعني
ح أقول أنا قلي ضاع......!!!!!!
شعر
صلاح محمود عفيفى
ليست هناك تعليقات:
إرسال تعليق