خّواف
كرهت فيك الخوف
ملامح العجز الحزين
سنين
والألم
ساكن حواسك
وهّمسك
غُربه بتشاغلك
مكانك
بير ملان أوهام
زمانك
آخر الأيام
عشانك
كام خصام وجروح
تسيب الليل
يطّوح فيك
ويتعافى
على رسمك
ويوم الجرح
لما يغيب
يجيبوا الجرح
من اسمك
وتشكيلى من الحرقه
أجيب الصبر يقُعدبك
وده إكمنّك منسّينى
معالم سكة العاشقين
تخاف الضحكه
لو عّدت
ولو سّألت
خطاوى حنين
وتتدارى ف هموم النوم
ولما تقوم تلوم فيّا
ياغاوى الهجر
فين هيّه
ومين هيّه
اللى راسمالك
طريق بيضيق
على صدرك
ومن قدرك
مخاصمالك
حروف الفرح
والاشواق
وراسمالك
طريق هجرك
بعيد
عن سكة العشاق
قول اعمل ايه
وانا جمبك
بأفّكر ف الهوا واشتاق........!!!!!!!!
شعر
صلاح محمود عفيفى salahmahmodafify
ليست هناك تعليقات:
إرسال تعليق