. عند وعدي .
................ بقلم / السيد بدر
يا دنيا
آنا مش هاروحلك
يا دنيا
آنا مش هاجيلك
من بعد ماخدتى ماتفرقيش
وجودك زى عدمك
أرض بور مابتجوديش
اغلا ماعندي وكل ماليا
حاجه منه مخلتيش
اتعلمت يا دنيا
فهيمتك
مع غيري
كملى الاعيبك
وعد وعهد
ماهطلب منك
مهما ضعفت
ماهمسك فيكي
أنا كنت بضعف وكنت بطلب
لما كان حبيبي فيكى
انسي أحبك انسي اشتاقلك
برخيص ماشتريكى
بتلاعبيني يا دنيا
هالاعبك
وهاعاندك
يوم ماتعانديني
اتعلمت
يا دنيا فهمتك
مع غيري
كملي الاعيبك
مش هاجيلك إنسى اجيلك
..
ليا . هاخد
ليكي . تاخدي
أنسي يا دنيا
عشانك اطاطي
ولا راح اسيبك
تلعبي بيا
هاوفي العهد
ماقولك هاتي
لا جمالك
يوم هايرخصني
ولا مالك
يخدعني واطاطي
اتعلمت
خلاص وفهمتك
خدى انسي
إني اقول هاتي
على غيرى
هاتخيل الاعيبك
مش هاجيلك
..
مابتديش
محتاج يا دنيا
كتر خيرك
مش محتاج لك
قلي بأصلك زى عوايدك
كلك شوك مات فيكى وردك
عند وعدي
مش هاندهلك
هامشي فيكي
هادوس عليكي
زى مابتلاعبيني
بلاعبك
مش ها روحلك
مش هاجيلك
مع غيري
كملي الاعيبك .. بقلم / السيد بدر
ليست هناك تعليقات:
إرسال تعليق