لو لفيت
لو لفيت دنيتي دي بحالها .....
زيك أبدا لا ملاقيش
هي الدنيا بناسها ومالها .....
من غيرك انتي لا متساويش
ياللي بقيتي نبض القلب
كلك علي بعضك يتحب
إنتي يا أغلي وأجمل حب
من غيرك انتي إزاي هاعيش
عمري الجاي أهو ليكي هديه
ومش هاعيش غير بس زمانك
إنتي الأغلي وكل ماليه
وكل الدنيا تهون عشانك
دنيا من غيرك ما اعيشها
فرحة ليكي انتي حايشها
غربة من بعدك هاشوفها
ارجوكي لا متفارقنيش
عمري يهون كله فداكي
ياللي انتي حياتي ودنيايا
وانا هافضل عمري أهواكي
وتفضلي طول عمري معايا
ودموعك هامسحها بإيدي
والفرحة ف عينك يوم عيدي
هواكي شريان ف وريدي
مين غيرك انتي ليا ماليش
الشاعر الغنائي / عرفات فرج الله بلبل
ليست هناك تعليقات:
إرسال تعليق