غدر الاحباب
للشاعر/ شريف عميران
اضحك مع الناس واقهر قلبي المثقل
من جور الايام قلبي زادت اجرحه
احيان مسرور واحيان ابتسم واخجل
واحيان دمعي من الاوجاع سباحه
قد كنت احبه ولكن المليح كمل
من حين شلوه نفسي عافت الراحه
من حب ياناس عقله بالهوى يختل
احيان عاقل وساعه تظهر اشباحه
قدكنت سالي ولكن الظلام اقبل
والحب امسى عدوي لذته طاحه
مافادني طب جرحي زاد واستفحل
والحزن غطى فؤادي مثل طراحه
برمز مجهول قلبي منهم مقفل
لكن ذكرى الهوى ياناس نفاحه
ذكرى اليمه بقاع الروح كالمعول
مافاد روحي من الاحزان شراحه
عن حال اهل الهوى ياذاك لاتسال
مكسور ماله دواء مرمي من الضاحه
الجرح صابه عمى والقلب قدهرول
حتى الكبد نايحه من عشقته طاحه
والحس من سرحته بالحب يتجول
اذا ذكر عشقته تتحرك اجناحه
لاذقت غدر الهوى مالك دواء اوحل
واقبل على الموت واحسبها ترواحه
من خان في عشقته اوبالهوى ميل
يارب يصلى على نيران لفاحه
له قلب سكين كم ياناس به تقتل
مسموم علقم علينا خافي سلاحه
عايش على عادته في عشقته ماانذل
والخل وافي لقلبه ضاء مصباحه
وازكى صلاتى على محبوبي الافضل
طه نبينا لدين الله مفتاحه
ليست هناك تعليقات:
إرسال تعليق